Alam Ko

Alam ko kung ano'ng sinabi ko
Sinabi ko sayo
Maging maligaya ka
Sinabi ko sayo
Wag kang magaalala
Sinabi ko sayo
Tiyak makakahanap ka ng iba
Na magmamahal sayo
At magbibigay sayo
Ng buo nilang pagkatao
At di ang pira-pirasong pangarap
Na binigay ko

Alam ko kung ano'ng di ko nasabi
Hindi ko nasabi
Na hirap akong lumigaya
Hindi ko nasabi
Na ayaw kong mawala ka
Hindi ko nasabi
Na pag nahanap mo na siya
Na mahirap ikubli
Ang aking pagkakasawi
At mahirap pakawalan ang mga piraso
Ng pangarap ko

Alam ko kung ano'ng sinabi mo
Sinabi mo sakin
Ako ang kaligayahan mo
Sinabi mo sakin
Mahal mo rin ako
Sinabi mo sakin
Siya na ang hinahanap mo
Mahal ka niya at aaralin mo rin
Na siya ang bago mong mamahalin
Ng buong-buo

Alam ko.