Song : Lakad

Naglalakad ng walang pupuntahan
Taas-noo pero walang minamasdan
Pinipilit na buuin ang loob
Kahit di alam kung kaya ang pagsubok

Kahit pa wala na ang panaginip
At hindi alam ang gagawin ngayong gising
Sa gitna ng gabing di matawaran ang dilim
Naduduwag at baka nangangarap pa rin

Ngunit kahit ganito lang ako
Gusto pa rin kitang pasalamatan
Di katulad ko, hindi mo ako binigo
Salamat, kaibigan

Naglalakad ng walang kasiguruhan
Taas-noo pero hindi alam ang daan
Pinipilit na maging higit sa kaya ko
Kahit masyado nang pagod

Song : Supah Villain

Sige lang, lahat kayo
Sige lang at tumakbo
Sandali na lang at
Darating na ako

Bulungbulungan at tsismisan
Ako na naman ang laman
Ako ang paborito ninyong
Kamuhian

Ako ang supervillain ng mundo
Itinadhanang laging talo
Ang supervillain ng mundo
Kalaban ko ang superhero

Sige lang, lumayo ka
Alam ko kung sa'n ka pupunta
Magtago ka sa yakap nya
Magsama kayong dalawa!

Bulungbulungan at tsismisan
Kayo na naman ang laman
Ang kuwento niyong masaya
Magpakailanman

Siya ang superhero ng mundo
Itinadhana na manalo
Ang superhero ng mundo
Siya palagi ang kalaban ko...

...Di naman talaga ako masama
Meron lang akong isang pangarap
Simple lang naman itong gusto ko
Ang pagharian ang mundo mo

Ako ang supervillain mo
Mangangarap kahit matalo
Ang supervillain mo
Lalaban kahit bugbog sarado
Ang supervillain mo
Tinalo ng 'yong superhero....